As cifras do verán, que abarcou do 8 de xuño ao 25 de setembro, reflicten 1.634 consultas atendidas, das cales 3.218 foron visitantes únicos. Agosto foi o mes de maior afluencia con 1.663 visitantes, seguido de xullo con 1.058.
A maioría das consultas procedían de Galicia (948) e da Comunidade de Madrid (399), moitas delas vinculadas a segundas residencias. Tamén se rexistraron viaxeiros de Asturias, País Vasco, Andalucía, Cataluña e Castela e León, así como de Europa.
O informe destaca un notable crecemento do turismo sénior (+60 anos), cun aumento do 32% en homes e do 16% en mulleres, que elixen a vila pola súa accesibilidade e comodidade urbana.
As consultas sobre Ares e o Xeodestino Ferrolterra Rías Altas sumaron 1.317. Destacaron o interese polo Ares Indiano e a programación do VeraneAres. A novidade deste ano, as bicicletas eléctricas do servizo BicicletAres, foron as máis demandadas con 36 usos sobre 79 préstamos totais.
O balance tamén inclúe o labor informativo no Alboio de Quinín (78 visitantes) e a promoción do Ares Indiano no certame Equiocio. A pesar de non estar dispoñibles as rutas en barco nin o Mosteiro de Santa Catalina, houbo interese por ambos.
“"A estabilidade e o crecemento do turismo en Ares reflicten que somos unha vila atractiva, cómoda e segura tanto para as familias como para o público de máis idade, sumando novas iniciativas sostibles como as bicicletas eléctricas que enriquecen a nosa proposta municipal."
