O expediente, cunha duración inicial de dous anos e posibilidade de prórroga por outros 24 meses, ten un valor estimado de 6.796.540,22 euros. A insuficiencia renal crónica, cuxas principais causas son a diabetes, a hipertensión arterial, a enfermidade glomerular e a renal poliquística, supón unha deterioración progresiva da función renal.
Nas súas etapas máis avanzadas, a diálise e os transplantes renais son os únicos tratamentos que permiten a supervivencia dos pacientes. A hemodiálise (HD), que filtra o sangue a través dun dializador para eliminar toxinas e exceso de líquidos, é a técnica máis empregada e mellora a supervivencia dos enfermos.
A personalización dos tratamentos segundo as necesidades clínicas dos pacientes é esencial para a súa supervivencia e para reducir complicacións a longo prazo. O material incluído neste procedemento abarca desde dializadores e filtros ata liñas arterio-venosas, catéteres e equipos de hemofiltración.
Esta iniciativa enmárcase na aposta continua da Consellería de Sanidade pola mellora da calidade asistencial e a sostibilidade económica do sistema sanitario público galego.
