A mostra, que propón unha reflexión arredor da representación cartográfica de Oriente Medio durante a década dos setenta, conta co apoio económico da Deputación da Coruña a través dun convenio coa USC para a programación cultural.
Na inauguración participaron a deputada de cultura, Natividade González; a reitora da USC, Rosa María Crujeiras; o comisario da exposición, Pedro del Llano, e o artista Sven Augustijnen.
Natividade González destacou a importancia desta colaboración, sinalando que "é un pracer contribuír economicamente á posta en marcha de iniciativas como esta, que permiten apoiar o traballo das institucións culturais e universitarias, dar visibilidade á creación artística e ofrecer á cidadanía propostas que invitan á reflexión e ao coñecemento".
A representante provincial puxo en valor a colaboración coa USC como vía para fortalecer a programación cultural, favorecer o acceso a propostas artísticas de calidade e consolidar a relación entre a institución académica e a Deputación na promoción da cultura e do pensamento crítico.
