O documento, que xa foi enviado á Consellería de Medio Ambiente e Cambio Climático para a súa aprobación ambiental, ten como obxectivo planificar e ordenar as actuacións urbanísticas necesarias para a creación deste novo polígono industrial. Este desenvolvemento está contemplado dentro do Plan Sectorial de Áreas Empresariais de Galicia.
O obxectivo principal desta iniciativa é axilizar ao máximo posible o desenvolvemento de solo empresarial nos concellos e comarcas con potencial de crecemento económico. Todo isto, realízase sempre respectando os trámites administrativos e medioambientais pertinentes, co fin de acompañar ao tecido produtivo na súa expansión.
O parque empresarial do Pousadoiro, situado en Vilagarcía de Arousa, conta actualmente cunha superficie de case 209.000 metros cadrados, e esta ampliación busca dotar á localidade de máis espazo para futuras actividades económicas.
