A titular de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, e o director territorial da Consellería, Marco Antonio Fernández Piñeiro, mantivo un encontro co alcalde de Xove, José Demetrio Salgueiro Rapa. A xuntanza tivo lugar na sede da delegación territorial da Xunta en Lugo.
Durante a reunión, abordáronse liñas de cooperación enfocadas na mellora de infraestruturas e na seguridade viaria, aspectos de gran interese para o municipio de Xove.
O departamento autonómico que dirixe María Martínez Allegue reafirmou o seu compromiso de seguir prestando apoio aos concellos para a execución de actuacións que contribúan a mellorar a calidade de vida da veciñanza e a reforzar a competitividade económica da localidade.
