En total, ofértanse 152 prazas para o persoal sanitario de formación profesional, distribuídas nas categorías de técnico superior en anatomía patolóxica e citoloxía (8), técnico superior en dietética (16), técnico superior en documentación sanitaria (7), e técnico superior en laboratorio de diagnóstico clínico (121). Ademais, ofrécense 2 prazas para o grupo técnico da función administrativa e 26 prazas para o grupo de xestión da función administrativa.
A publicación destas resolucións, realizadas pola Dirección Xeral de Recursos Humanos do Servizo Galego de Saúde, marca o inicio dun prazo de dez días hábiles, que se estenderá do 4 ao 17 de agosto de 2026. Durante este período, os aspirantes seleccionados deberán elixir telematicamente o seu destino a través do sistema de información Fides/expedient-e, seguindo a orde de prelación.
Este procedemento telemático busca mellorar a axilidade e simplificación dos procesos selectivos, facilitando a relación electrónica dos cidadáns coas administracións públicas. Tamén garante a continuidade asistencial nos centros sanitarios e evita o desprazamento dos aspirantes á sede do órgano convocante.
Os aspirantes que teñan dúbidas ou necesiten realizar consultas sobre este proceso selectivo poden dirixirse ao correo electrónico: oposicions@sergas.es.
