A película, dirixida por Gabe Ibáñez, promete engadir unha dose de suspense ao catálogo da plataforma, explorando temas como a identidade e a memoria a través dunha investigación contra reloxo. A trama iníciase co descubrimento dunha muller amordazada e atada dentro dun contedor no porto de Barcelona, sen recordos de quen é ou como chegou alí.
A detective Anna Ripoll, interpretada por Candela Peña, asume o liderado do caso xunto ao oficial Quique Zárate, a quen dá vida Pol López. Ambos os dous esforzaranse por desvelar a identidade da muller, encarnada por Ana Rujas, e os segredos que se ocultan na súa memoria bloqueada. O elenco complétase con nomes como Manolo Solo, Luka Peros e Kira Miró.
Detrás das cámaras, ademais de Gabe Ibáñez na dirección, atópase Lara Sendim no guión. A produción corre a cargo da arxentina K&S Films, con Matías Mosteirín e Pola Zito como produtores executivos. La desconocida é unha adaptación da novela homónima escrita a catro mans por Rosa Montero e Olivier Truc, publicada en España por Alfaguara.
“"Estou moi ilusionada coa estrea en Netflix da película que fixeron sobre 'La desconocida', a novela negra que escribín a catro mans co autor francés Olivier Truc. Mórrome de ganas de ver como ese equipo formidable plasmou todo ese suspense no film."
“"Escribir 'La desconocida' foi unha experiencia marabillosa traballando con Rosa Montero. Estou seguro que moitos lectores do libro estarán emocionados por vela agora na pantalla."
