O Servizo Galego de Saúde (Sergas) está a investir na modernización tecnolóxica coa adquisición de nova aparatose electromédica para o novo edificio C do Hospital Clínico Universitario de Santiago. O contrato, publicado no Portal de Contratos Públicos de Galicia, ascende a 695.750 euros e inclúe a distribución, montaxe e instalación dos equipos, así como a súa integración cos sistemas de información corporativos do Sergas.
Entre o equipamento a adquirir atópanse un equipo radiocirúrxico para a Unidade de dor, un ecógrafo para radiodiagnóstico de mama, e un equipo de potenciais evocados para medir a actividade eléctrica do sistema nervioso. Tamén se licita un sistema de posturografía dinámica computerizada para avaliar trastornos do equilibrio e da marcha, un equipo de potenciais vestibulares mioxénicos evocados para a exploración do oído interno, e un videoinstamógrafo de alta precisión para examinar o sistema vestibular e o sistema óculo-motor.
As empresas interesadas teñen ata o vindeiro 28 de setembro para presentar as súas ofertas. Esta licitación forma parte dun investimento global de máis de 5,7 millóns de euros destinados á dotación de equipamento e mobiliario para o novo Edificio C do hospital compostelán, reafirmando o compromiso da Xunta coa mellora da calidade asistencial e a modernización tecnolóxica do sistema sanitario público galego.
