O acto tivo lugar na capela do Hostal dos Reis Católicos no marco da LXIII edición dos Cursos Internacionais de Música en Compostela. A conmemoración serviu para lembrar a figura de Marsanau, creador da Sociedade San Vicente de Paúl.
A xornada incluíu un relatorio ofrecido pola pianista Isabel Dobarro, gañadora do último Latín Grammy ao mellor álbum de música clásica en 2025. Posteriormente, o mestre Josep María Colom interpretou dúas pezas musicais de Marsanau ao piano.
