O festival aposta por un cartel ecléctico que combina lendas do rock como The Jesus and Mary Chain e The Dream Syndicate con propostas actuais como Fat Dog, The Mystery Lights, Triángulo de Amor Bizarro e Germán Salto.
Dende a apertura de portas, Expourense convértese nun punto de encontro para os seguidores da música independente, cunha sucesión de concertos que se estenden dende a tarde ata a madrugada.
A xornada musical comezou coas actuacións de Germán Salto e Triángulo de Amor Bizarro, seguidas por The Dream Syndicate e The Mystery Lights. Un dos momentos máis esperados da noite foi a presentación de The Jesus and Mary Chain.
A banda Fat Dog será a encargada de pechar esta quinta edición, que reafirma a aposta do Our Fest por traer a Ourense diversas xeracións e estilos do rock alternativo.
