A peza, ao estilo dos debuxos animados, busca invitar á reflexión sobre a discriminación por razón de raza, xénero ou clase social.
A trama desenvólvese nun escenario cincento onde un home vestido de gris manipula caixas da mesma cor. A chegada dunha muller cun vestido cheo de cor e unha actitude exuberante altera completamente a escena, abrindo a posibilidade de construír un lugar diferente, con máis cores e espazo para máis persoas.
Trátase dun espectáculo cómplice e sensible que aborda as diferenzas, os prexuízos e a posibilidade de transformar os espazos que habitamos.
A representación terá lugar de 19:00h a 20:00h.
