A iniciativa da Consellería de Política Social, que busca sensibilizar sobre as violencias sexuais e promover unha cultura de respecto e consentimento, realizou este ano 39 accións en diferentes concellos, centros educativos, espazos comunitarios e na rúa.
O obxectivo para o remate deste 2026 é completar 50 intervencións. Ata o momento, estímase que 2.970 persoas participaron activamente na campaña, executada por equipos especializados en intervención comunitaria e promoción da igualdade.
Os profesionais e entidades colaboradoras valoran positivamente a proposta, destacando a súa importancia para a reflexión sobre o consentimento, os vínculos afectivos e os límites persoais. Ademais, a campaña ofrece ferramentas para identificar e rexeitar condutas agresivas, xerando espazos seguros para o diálogo e a expresión emocional.
