A proba, oficial da Federación Galega de Atletismo e parte do XII Circuíto de Carreiras Deputación da Coruña, terá lugar no Parque de Pedrouzos. As primeiras carreiras comezarán ás 16:30 h, mentres que a carreira absoluta está programada para as 18:00 h.
O circuíto da carreira absoluta estreará un percorrido duns 3 km, que se completará dúas veces para sumar un total de 6 km. As categorías abranguen desde Iniciación ata Máster.
A inscrición será gratuíta para as categorías de Iniciación a Sub 16, e terá un custo de 5 € para as categorías de Sub 18 a Máster. Todas as persoas participantes recibirán unha camiseta técnica conmemorativa.
Ademais, haberá trofeos por categorías, unha clasificación local específica e premios en metálico tanto na carreira absoluta como para os clubs mellor clasificados.
O prazo de inscrición remata o 30 de setembro ás 23:59 h e realizarase a través da plataforma Carreiras Galegas. Máis información sobre o regulamento, horarios e percorridos está dispoñible na web oficial do evento.
