Ás 10:00 h, na Casa do Concello, celebrarase unha rolda de prensa coa concelleira de Dereitos e Servizos Sociais, Promoción Económica e Xuventude, María Rozas. O obxectivo é presentar as actividades programadas para o mes de agosto dentro da campaña "12 Comercios, 12 Sensibilidades". Nesta rolda de prensa tamén participarán Susana Ferrol, en representación da tenda Tralalá, e Laura Vázquez e José de Jesús, como representantes de ASANOG.
Pola tarde, ás 18:00 h, nos Arcos do parque de Bonaval, a compañía Galeatro presentará "Hotel Paraíso". Trátase dun espectáculo de narración oral deseñado para público familiar, a partir de 4 anos. A proposta convida os asistentes a percorrer un hotel simbólico onde cada habitación agocha unha emoción distinta.
O acceso a este evento será libre ata completar a capacidade do espazo.
