O profesor Salas obtivo o galardón por un traballo no que se identificaron ferramentas moleculares que permiten diferenciar a pneumonía causada pola bacteria Mycoplasma pneumoniae doutras pneumonías en pacientes pediátricos.
O xurado considerou que esta investigación, publicada na revista Nature Communications, abre “novas posibilidades para mellorar a prestación diagnóstica, evitar tratamentos inadecuados, optimizar o uso dos antibióticos e avanzar cara a unha medicina máis personalizada”.
O xurado estivo composto por Belén Riveiro Rodríguez (CINTECX da UVigo), Olga Aguín Casal (Deputación de Pontevedra), Gumersindo Feijoo Costa (USC), Juan Pablo Hervés Beloso (CINBIO da UVigo), Susana Ladra González (CITIC da UDC), Ana Isabel Rodríguez Pérez (CIMUS da USC) e María Teresa Vilariño Barreiro (UDC), que actuou como secretaria.
