A Consellería de Política Social e Igualdade destina un total de 2,1 millóns de euros a esta orde de achegas, que son pioneiras en España e se puxeron en marcha por primeira vez no ano 2023. O obxectivo destas axudas é contribuír a sufragar os elevados custos asociados á enfermidade.
O prazo de solicitude para estas axudas comezará o vindeiro venres, 7 de agosto, e permanecerá aberto ata o 3 de novembro. As achegas son compatibles con calquera outra orde de subvencións e poden empregarse para a adquisición de produtos esenciais, a contratación de servizos ou mesmo para realizar obras de adaptación na vivenda.
“"Con esta nova orde de achegas, o Goberno galego reafirma o seu compromiso con todos os doentes de ELA e as súas familias, despois de moitos anos de traballo para intentar mellorar a súa calidade de vida e axilizar a súa atención."
A Xunta tamén aproveita para reclamar ao Goberno central que as axudas da Lei ELA sexan universais para todos os doentes e que poidan utilizarse libremente para o servizo que precisen.
