A produción, que leva o nome do punto máis illado do océano, narra a historia dunha expedición oceanográfica que, tras un furacán, é arrastrada a unha illa remota. A trama, que se desenvolve en escenarios de Portugal, Canarias e, principalmente, Galicia, utilizou lugares como O Grove e a batería militar de Porto Cuaces para a súa ambientación.
Para esta segunda e última entrega, as gravacións tamén se realizaron na Facultade de Ciencias da Comunicación da Universidade de Santiago de Compostela (USC) a finais do ano pasado. O elenco da serie inclúe a actores recoñecidos como Óscar Jaenada, Alba Flores, Maxi Iglesias e Najwa Nimri, ademais de Margarida Corceiro.
“"A tempada final vén forte resolvendo todo o sementado na primeira tempada cuns personaxes que se atopan ao límite nunhas condicións infrahumanas, pero sempre hai un halo de esperanza."
Unha das principais novidades desta tempada é a incorporación de Álex Rodrigo, coñecido polo seu traballo en éxitos como La Casa de Papel, Vis a Vis e Veneno, quen asume a dirección. Os superviventes enfrontaranse a unha illa hostil, chea de criaturas híbridas e un virus ameazante, tras a explosión dun laboratorio ruso.
