A presentación tivo lugar no CEIP Agro do Muíño, onde o presidente da Xunta, acompañado por outros representantes autonómicos e locais, expresou a súa confianza en que a normativa poida enriquecerse durante o seu trámite parlamentario e entrar en vigor no ano 2027.
Esta lexislación será a primeira en todo o Estado en establecer unha regulación específica para o dereito á desconexión dixital dos estudantes e para o emprego da intelixencia artificial como ferramenta educativa.
Durante a visita ao centro educativo, as autoridades tiveron a oportunidade de asistir a unha clase sobre planetas impartida por alumnos de 5º de Primaria e de conversar cos menores sobre como a tecnoloxía se integra no seu traballo diario na aula.
