Esta iniciativa está destinada a ofrecer formación práctica e especializada no ámbito da dirección sinfónica, liderada por Baldur Brönnimann, director artístico e titular da RFG.
As persoas interesadas poderán inscribirse do 26 de setembro ao 16 de outubro de 2026 a través da plataforma MUVAC. Ao longo dos catro días, os participantes desenvolverán as súas capacidades nun contexto profesional, en contacto directo coa orquestra e baixo a orientación do seu director.
O obradoiro está dirixido a aqueles que desexen continuar a súa formación e adquirir experiencia práctica coa Real Filharmonía de Galicia. Será necesario asistir presencialmente en Santiago de Compostela.
