A Consellería do Medio Rural informou da extinción do incendio forestal rexistrado no concello lucense de Ribas de Sil, parroquia de Soutordei, ás 23.04 horas de onte. O lume orixinouse o pasado sábado, día 11, ás 18.22 horas, e tivo unha afectación final de 190 hectáreas, das cales 133 eran de monte raso e as 57 restantes de arborado.
Debido á proximidade ao núcleo de Chenzas, declarouse temporalmente a Situación 2 como medida preventiva, aínda que esta foi desactivada na madrugada do domingo. Para a súa extinción mobilizáronse un total acumulado de 8 técnicos, 45 axentes, 65 brigadas, 47 motobombas, 4 pas, 9 helicópteros e 8 avións.
A Consellería do Medio Rural recorda a importancia de alertar sobre calquera lume forestal chamando ao número gratuíto 085. Tamén se dispón da aplicación móbil ALume para avisar sobre incendios activos e dun teléfono anónimo, 900 815 085, para denunciar actividades delituosas incendiarias. A información actualizada sobre incendios de máis de 20 hectáreas está dispoñible en X: @incendios085.
