A tenda online EstoresBaratos.com incorporou unha nova liña de alfombras a medida e en medidas estándar. Con ela amplía unha oferta que ata agora se centraba na protección solar e a decoración téxtil de fiestras: estores, persianas e cortinas de tea a medida.
O novo catálogo divídese en tres familias pensadas para usos concretos: alfombras vinílicas, alfombras de entrada e felpudos, e alfombras infantís. En todas pódese axustar o ancho, o longo, a forma ou o acabado ao espazo no que se van colocar.
“"Os nosos clientes xa nos compraban o estor a medida para cada fiestra. Agora poden facer o mesmo co chan da cociña, o pasillo ou a entrada."
As alfombras vinílicas son a opción pensada para zonas de moito uso, como cociñas, pasillos, comedores ou terrazas. Son antiesvarantes, aguantan ben o roce e límpanse cun pano ou unha fregona húmida, polo que encaixan en casas con nenos ou mascotas.
Os felpudos e alfombras de entrada, en versións para interior e exterior, están feitos para reter o barro e a humidade na porta. Serven tanto para vivendas como para recepcións, oficinas ou locais comerciais con moito paso de xente.
A liña infantil ofrece superficies de tacto suave que illan do frío do chan e delimitan a zona de xogo en dormitorios e cuartos dos nenos.
Queriamos levar ao chan a mesma forma de traballar que usamos cos estores: fabricar á medida exacta, con prezos axustados e comprando dende casa, engade Fernando.
As alfombras vinílicas parten de 14,79 euros, as infantís de 20,56 euros e os felpudos de 25,82 euros. Todo o catálogo pódese consultar e encargar en EstoresBaratos.com, con envío a domicilio a toda a Península.
O ecommerce galego dá así o paso de vestir as fiestras a vestir tamén o chan de casas e negocios.
