No acto conmemorativo do 90 aniversario do Estatuto de Autonomía, celebrado na Praza de San Xosé de Pontevedra, Pontón sinalou que os populares "pleganse a Madrid" e rexeitan novas competencias. Tamén criticou que reciban con honras o cadro de Castelao "A derradeira lección do mestre" cando, segundo asegurou, "negaron a Castelao a condición de primeiro presidente de Galicia e votaron en contra da celebración do Día da Galiza Mártir".
A nacionalista argumentou que "Castelao e Bóveda son molestos para o PP". Ademais, Pontón aproveitou para censurar a recente votación "en contra da transferencia da AP-9", tras as "campañas que montaron" sobre este asunto.
“"Castelao e Bóveda son molestos para o PP"
Durante o evento, que contou coa presenza da cúpula do BNG local, encabezada por Miguel Anxo Fernández Lores, Pontón destacou a importancia de Pontevedra como "berce do nacionalismo" e "cabeza e corazón da loita polo estatuto", pola presenza de Castelao e Bóveda na cidade a principios do século XX.
A líder do BNG, presentada pola concelleira Anabel Gulías, tamén reivindicou o papel das mulleres na loita polo Estatuto, que foron "silenciadas" pola "cultura machista" da época, mencionando especificamente a Amalia Álvarez, Ernestina Otero e Virxinia Pereira.
