A convocatoria, publicada o pasado venres no Boletín Oficial da Provincia de Pontevedra, detalla a distribución: 224 postos para a Peregrina e os 100 restantes para O Santiaguiño. As bases da licitación están dispoñibles na páxina web municipal (pontevedra.gal).
Os interesados terán de prazo ata o vindeiro 12 de xuño para presentar as súas ofertas. As autorizacións concedidas terán unha vixencia de dous anos, con posibilidade de prórroga por dous anos máis, estendendo o período de validez ata 2029.
As taxas mínimas varían segundo a festa e o tipo de posto. Para as Festas da Peregrina, os prezos oscilan entre os 95 e os 10.660 euros. No caso das Festas do Santiaguiño, as taxas van dende os 45 ata os 1.040 euros. Ademais, todos os aspirantes deberán asumir un canon fixo por subministro eléctrico, cuxo importe dependerá da actividade (atracciones, churrerías, bares, casetas, freidurías, etc.).
