Este evento consolidado no calendario local, organizado por Diario de Pontevedra en colaboración co Concello, abrirá as súas portas o venres ás 17.00 horas. O salón ocupará preto de 4.000 metros cadrados de exposición, onde os visitantes poderán explorar unha gran variedade de modelos e marcas.

Un dos principais atractivos de Pontemobil Ocasión serán os seus prezos competitivos, deseñados para atraer tanto a aqueles que buscan renovar o seu vehículo como a quen explora opcións no mercado de ocasión. A oferta multimarca incluirá fabricantes de renome como Audi, Volkswagen, Hyundai, Nissan, Kia, Honda, Seat, Cupra, MG e ByD, entre outros.

Concesionarios e empresas do sector como Sercar, Virmoción, Roipesa, Zina Móvil, Hyupersa, Vepersa, Copervi ou Rías Motor participarán no evento, preparando ofertas especiais tanto en prezo como en posibilidades de financiamento para facer a visita aínda máis atractiva.

O horario de apertura será o venres de 17.00 a 20.30 horas. Durante o sábado e o domingo, o salón poderá visitarse en horario de mañá, de 11.00 a 14.00, e de tarde, de 16.30 a 20.30 horas, facilitando así a asistencia durante toda a fin de semana. A entrada terá un custo de 3,50 euros por persoa, con descontos de un euro dispoñibles a través da edición impresa do Diario, redes sociais e material promocional. Os menores terán acceso gratuíto, e haberá tarifas reducidas para persoas maiores e con diversidade funcional.