O evento, que tivo lugar esta fin de semana, rexistrou un notable incremento de asistencia, superando nun 40% as cifras da edición anterior. Este éxito subliña a crecente relevancia de PoioMostra como plataforma para o comercio local e de ocasión, mesmo fóra da tempada turística alta.
“"Este tipo de iniciativas contribúen a dinamizar a economía local e a encher de vida as rúas do noso municipio. Apostar polo comercio de proximidade é investir no futuro de Poio, no seu desenvolvemento económico e na creación de emprego."
Os preto de 40 comercios e concesionarios participantes expresaron a súa satisfacción cos resultados, que excederon as expectativas iniciais. A afluencia de público foi constante durante toda a fin de semana, con picos de asistencia o sábado e o domingo entre as 17:00 e as 20:30 horas. Mesmo as franxas tradicionalmente máis tranquilas, como o venres e o domingo pola mañá, acadaron un volume significativo de visitantes.
Esta boa acollida xa se traduce nun forte interese por parte dos expositores en repetir na vindeira edición. Ademais, a asociación de comerciantes recibiu novas solicitudes de empresas interesadas en participar o próximo ano, o que reforza o potencial de crecemento da feira e a súa consolidación como unha cita imprescindible no calendario feiral da comarca de Pontevedra.
