As mensaxes, atopadas nunha das estruturas do recinto, incluían a frase: “America xa existía, non foi descubrimiento, foi un xenocidio”. Este acto xerou unha resposta inmediata por parte do Goberno local, que o cualificou de “incívico” e subliñou o prexuízo que supón para toda a veciñanza.
“"O coidado do municipio depende da responsabilidade de todos e que actos como este deterioran un entorno que debe estar destinado ao ocio e ao respecto común."
Desde o Concello lembran que o Parque de Ánkar é un espazo público deseñado para o goce de familias e nenos, polo que consideran especialmente grave que este tipo de mensaxes aparezan nunha zona de uso infantil e convivencia veciñal. A administración local insiste na importancia da responsabilidade colectiva para o mantemento do municipio.
A estrutura afectada forma parte dun parque moi visible e frecuentado. O Concello xa expresou a súa intención de avaliar as medidas necesarias para restaurar a imaxe do recinto. En Poio, a figura de Colón posúe un forte compoñente simbólico, xa que no municipio se mantén desde hai anos a hipótese de que o navegante naceu en Portosanto.
