A xornada do mércores 23 de setembro centrarase na tradicional peregrinación nocturna. A partir das 22:00 horas, tres comitivas partirán desde o adro de San Salvador, a Capela da Virxe de Fátima de Campelo e a Igrexa de San Roque de Combarro. As procesións confluirán para dirixirse ao Mosteiro de Poio, onde se oficiará unha misa de medianoite cantada pola Coral de Poio, seguida dunha queimada e degustación de chocolate e rosca.
O xoves 24 de setembro, festivo local, a música será a protagonista desde a mañá coas dianas e alboradas dos grupos Vides Novas e a Escola de Música Tradicional de Poio. Ás 12:00 horas celebrarase a Misa da Vendima, mentres que a misa solemne e procesión na honra da patroa terá lugar ás 19:00 horas, coa participación da Banda de Música da Lama e o coro Virxe de Fátima.
O apartado musical contará coas actuacións das orquestras Los Players, que amenizará a noite do mércores, e Marbella, que pechará as festas o xoves a partir das 21:00 horas na Praza do Mosteiro.
