A mensaxe inscrita sobre a embarcación, que o propio Concello fixo pública a través da súa conta de Instagram, rezaba: "America xa existía, non foi descubrimento, foi un xenocidio". Segundo a publicación municipal, trátase dunha frase de clara intencionalidade política e ideolóxica gravada sobre un ben de uso colectivo.
“"Un acto incívico que prexudica a todos os veciños. É un espazo público pensado para as nosas familias e nenos, un lugar para gozar, lonxe de proclamas e ideoloxías."
A institución aproveitou tamén para lembrar que o mantemento do municipio é "responsabilidade de cada un" e que, con este tipo de actuacións, "perden todos". A mensaxe incide na necesidade de preservar os bens comúns ao marxe das disputas ideolóxicas.
O Parque de Ánkar, situado no concello pontevedrés de Poio, forma parte do patrimonio lúdico e cultural do municipio. O espazo rende homenaxe á figura de Cristóbal Colón, un personaxe histórico sobre o que Galicia —e especialmente a comarca de Pontevedra— mantén un vínculo singular, dado que diversas teorías apuntan á súa posible orixe galega. Esta conexión converte o parque nun símbolo representativo para o territorio, o que outorga ao suceso un significado engadido no contexto local.
