Esta axuda, enmarcada no programa +Aqua 2025 da Deputación de Pontevedra, permitiu á comunidade levar a cabo diversas actuacións para optimizar as súas infraestruturas de abastecemento. Entre as melloras realizadas atópanse a construción dunha rampa de acceso ao depósito da Gaiba e o peche dos mananciais situados no lugar da Devesa.

A Comunidade de Augas de Ardán é responsable de fornecer auga potable a 135 vivendas, que agrupan a aproximadamente 450 residentes nos lugares de Xuncal, Vilaseca, Casas, Teoira e Moledo, todos eles dentro da parroquia de Ardán. Durante a tempada estival, a poboación desta zona pode ascender ata os 600 habitantes, o que fai que estas melloras sexan especialmente oportunas de cara ao verán.