A Gladiator Race celebra a súa décimo primeira edición na Illa das Esculturas de Pontevedra. O evento, presentado no Concello de Pontevedra, reunirá a máis de 2.000 inscritos nunha proba que combina forza, destreza, habilidade e axilidade.

O percorrido de oito quilómetros incluirá máis de 40 obstáculos que os participantes deberán superar. Poderán competir todas as persoas maiores de 16 anos, requirindo autorización paterna ou de titor para os menores de 18.

Os inscritos organizaranse en diferentes quendas. A categoría elite enfrontarase a regras máis estritas, debendo superar todos os obstáculos sen axuda para que o seu tempo sexa computado. Os participantes da categoría open que non superen un obstáculo realizarán burpees como penalización.

As saídas espaciaránse cada quince minutos, cun máximo de 120 participantes por manga, aínda que a organización procurará manter un equilibrio arredor dos 100 atletas. Tamén se ofrece a posibilidade de competir en categoría de conxuntos, coa saída conxunta dos seus membros. Estímase que a última quenda comecen arredor das 19:15.

A organización premiará aos tres primeiros clasificados elite (homes e mulleres), así como ao podio masculino e feminino open e aos tres mellores equipos. Ademais, todos os que finalicen recibirán unha medalla.

Un dos obstáculos que regresa é o temido Mont Blanc, unha rampa cóncava de grandes pendentes. O domingo pola mañá, a Gladiator Kids ofrecerá unha competición para menores de 12 anos, con percorridos adaptados á idade (500 metros para os de 3 a 6 anos e 800 metros para os de 7 a 12).