As asociacións empresariais ASIME, ATRA e INSTALECTRA, que representan á patronal, situaron o seguimento da folga celebrada o 13 de maio en torno ao 60%. A parte empresarial lamenta a falta de acordo, a pesar das "importantes melloras" propostas na negociación e o impacto positivo que o convenio tería nos salarios dos traballadores do sector.
“"Non se está a respectar o dereito ao traballo porque algúns grupos estarían pechando empresas á forza e bloqueando accesos."
Nun comunicado, as asociacións subliñan a súa vontade de diálogo e defenden que a negociación segue sendo "a única vía de resolución" do conflito. Ademais, denunciaron diversos incidentes relacionados cos piquetes informativos durante a xornada de folga, incluíndo o roubo de chaves de maquinaria e a expulsión de traballadores con "insultos e ameazas".
A pesar da tensión vivida, as asociacións empresariais fan un chamamento á "responsabilidade" da parte sindical para alcanzar un acordo que poña fin a un conflito que, segundo advirten, está a afectar tanto ás empresas como aos traballadores do metal en Pontevedra.
