Os feitos ocorreron arredor da 01:30 horas, cando unha patrulla realizaba unha proba de alcoholemia a un condutor. O acompañante do vehículo comezou a proferir insultos e ameazas contra os axentes, escalando a situación.
“"Hijos de puta, cerdos, gallegos de mierda, sois asquerosos, voy a mataros."
Segundo o comunicado da Policía Local, a persoa dirixiuse aos axentes con expresións ofensivas e realizou un xesto ameazante de cortarlles o pescozo. O condutor, pola súa banda, deu positivo na proba de alcoholemia cunha taxa de 0,69 mg/l.
A situación complicouse cando un familiar do condutor chegou ao lugar para facerse cargo do vehículo. O acompañante tamén comezou a insultar o familiar, quen finalmente rexeitou levar o turismo. Ao solicitarse o servizo da grúa municipal para retirar o coche, o individuo intentou impedilo, desobedecendo as ordes e intentando agredir os policías. Durante o forcexo, insultou e cuspiu aos axentes, o que levou á súa detención.
