As obras deste novo equipamento municipal avanzan co apoio económico da Administración autonómica. A colaboración materializouse a través dun convenio que permitiu financiar con máis de 130.000 euros o soterramento das liñas eléctricas que ocupaban a parcela onde se levanta a estrutura.
Esta infraestrutura reforzará a rede de servizos asistenciais xa existentes no núcleo de Cerdedo, que actualmente conta cun centro de día, un fogar residencial e a residencia inaugurada hai dous anos. O obxectivo é ampliar a oferta de prazas e servizos para as persoas maiores e dependentes da zona.
“"A proposta responde a tres ideas: máis prazas, máis servizos e máis oportunidades."
O proxecto enmárcase nunha planificación máis ampla do Goberno galego, que contempla a creación de 25 novos centros en concellos de menos de 25.000 habitantes. Esta iniciativa suporá a suma de máis de 1.800 novas prazas en toda Galicia, das cales a maioría serán de titularidade pública.
