A Zona Franca de Vigo, xunto a Gradiant e a Cámara de Comercio de Pontevedra, Vigo e Vilagarcía, inaugurou a 1ª Edición da Incubadora de Alta Tecnoloxía starTIC. O obxectivo principal desta iniciativa é impulsar o emprego tecnolóxico na área de Vigo e lanzar novos proxectos para sectores clave da economía, promovendo o progreso do sector TIC a través da innovación e a transformación dixital.
Este ambicioso proxecto, que conta cun orzamento de 3,5 millóns de euros, está cofinanciado nun 60% polo Fondo Europeo de Desenvolvemento Rexional (FEDER) dentro do Programa Plurirregional de España FEDER 2021-2027. Tamén se enmarca na iniciativa «Infraestruturas destinadas a Incubadoras de Alta Tecnoloxía en sectores estratéxicos emerxentes en Europa», impulsada pola Fundación INCYDE das Cámaras de Comercio de España.
Durante os próximos seis meses, os 30 proxectos innovadores seleccionados recibirán guía de persoas expertas para o seu desenvolvemento, validación e chegada ao mercado, fomentando propostas pioneiras e disruptivas.
