A entrega dos Premios da Cultura Galega 2025 converteuse nunha celebración da creatividade e o esforzo cultural. O presidente da Xunta, Alfonso Rueda, subliñou a cultura como o principal "símbolo identitario" de Galicia e un sector en "excepcional vigor", durante o evento que tivo lugar no Parador de Santo Estevo de Ribas de Sil, na Ribeira Sacra.
O acto serviu para recoñecer a labor de oito premiados, que reflicten a diversidade do ecosistema cultural galego. Entre os galardoados, destacouse a Editorial Galaxia polos seus 75 anos de promoción da lingua galega, o mestre Antón Corral pola recuperación da música tradicional, e a asociación Sempre Galicia polo seu traballo coa diáspora en Uruguai.
Ademais, Rueda eloxiou a Bienal de Arte de Pontevedra e a Muestra Internacional de Teatro Cómico e Festivo de Cangas. Tamén foron recoñecidas as Bodegas Martín Códax, a produtora Baños Films e os creadores da campaña Aquí tamén se fala.
“"Os 125.000 espectadores que visitaron as exposicións da edición número 32 da Bienal, recoñecementos internacionais e, sobre todo, este galardón confirman que recuperala foi un acerto e que debemos seguir apostando por ela."
O presidente da Deputación de Pontevedra, Luis López, e o vicepresidente do ente provincial e responsable do Museo de Pontevedra, Rafa Domínguez, recolleron o premio da Bienal de Pontevedra na categoría de Artes Visuais. López resaltou a importancia da recuperación da Bienal, a máis antiga de España, tras 15 anos de ausencia, e o seu papel como mensaxe de paz nun contexto de conflitos.
