A medida, comunicada polo Goberno local, afectará ao tramo comprendido entre a ponte dos Tirantes e a ponte das Palabras. O corte comezará ás 7.30 horas do luns e manterase de forma ininterrompida ata as 20.00 horas do día 24.
Esta restrición ten como finalidade garantir a seguridade durante as tarefas de instalación, desenvolvemento e posterior desmontaxe do evento musical, que terá lugar no Parque de Tafisa os días 17 e 18 de xullo.
A organización do festival, que contará con artistas de ámbito estatal e internacional, obriga a iniciar os labores loxísticos con antelación para preparar o recinto adecuadamente.
