A xornada festiva comezou ás 13:00 horas cunha sesión vermú no Cabildo, seguida dun xantar veciñal distribuído por barrios. A tarde estará marcada pola música, coa celebración dunha foliada e pasarrúas polas adegas a partir das 19:00 horas, amenizada polos grupos Cantares da Cuña e Airiños de Caldelas.
Posteriormente, ás 21:00 horas, terá lugar un obradoiro de baile tradicional impartido por Adrao Casal, que se estenderá ata as 22:00 horas. A música en directo continuará co concerto de Tandub ás 22:00 horas.
O broche final da festa porase co concerto de Trapallada, cuxa actuación está programada para as 23:45 horas. Para poder degustar o viño local, a organización lembra que é indispensable adquirir a "cunca dos Foros 2026", cuxo prezo é de 10 euros.
