Os servizos de emerxencia actuaron na mañá deste luns, 8 de xuño, tras recibir unha chamada do 112 Galicia alertando dunha persoa que flotaba no río de Reda, na parroquia de A Canda, concello de Piñor. A necesidade de rescate urxente débese a que a persoa, un home, parecía estar aínda con vida.

Os xestores do Centro Integrado de Atención ás Emerxencias de Galicia mobilizaron aos Bombeiros do Carballiño e efectivos da Garda Civil. Foron os bombeiros do Parque Comarcal os encargados de sacar á persoa do río.

Unha vez fóra da auga, os profesionais sanitarios iniciaron as manobras de reanimación, xa que o home entrara en parada cardiorrespiratoria. Finalmente, a vítima foi evacuada con vida a bordo dun helicóptero medicalizado con base en Ourense.