A Fiscalía solicita unha pena de catro anos de cárcere para un individuo que, segundo o escrito de acusación, golpeou a outro home que trataba de deter unha pelexa na Praza das Mercedes da cidade de Ourense. Os feitos ocorreron na madrugada do 20 de xuño de 2022.
No transcurso dunha discusión entre dúas persoas, unha delas agarrou á outra polo pelo e golpeoulle a cara contra o chan, mentres que a segunda lle propinou varias patadas. Unha terceira persoa intentou mediar na situación, momento no que o procesado lle asestou varios puñazos na cara, causándolle, entre outras lesións, a perda parcial dun dente.
“"A Fiscalía acusa a este individuo de lesións agravadas e pide para el catro anos de cárcere e que indemnice á vítima con case 3.000 euros."
Para as dúas persoas que iniciaron a pelexa, a Fiscalía reclama unha multa de 540 euros por un delito de lesións leves, ademais de indemnizacións mutuas de 130 e 175 euros, respectivamente.
