A cidade de Ourense rende tributo a Ramón Otero Pedrayo con motivo do 50 aniversario do seu pasamento. Os actos comezarán ás 10:30 horas na Catedral de Ourense cunha misa na súa honra, oficiada polo bispo da Diócese, Leonardo Lemos, e coa participación musical da coral De Ruada. Posteriormente, ás 12:00 horas, realizarase unha ofrenda floral no sepulcro do escritor no Cemiterio de San Francisco.

Otero Pedrayo, figura senlleira do galeguismo cultural e membro destacado do Grupo Nós, foi un prolífico escritor, xeógrafo, ensaísta e político. Entre as súas obras máis recoñecidas atópanse Arredor de si e Os camiños da vida, que marcaron un fito na literatura galega.

Ademais da homenaxe, a provincia ofrece outras propostas. En Ribadavia, continúan as Xornadas Europeas de Artesanía na Casa Artesanía de Galicia, con obradoiros de arranxos florais con flores secas e preservadas impartidos por olueis_la_vie_en_fleur. En Ourense, Expourense acolle unha cita para os amantes do motor, cunha exposición de vehículos clásicos que celebra o 60 aniversario dun modelo icónico, xunto cunha área comercial e concentracións.

A oferta teatral inclúe a representación de Iconos o la exploración el destino, un monólogo de humor de El Brujo, no Auditorio Municipal de Verín ás 18:00 horas. Pola súa banda, o Auditorio Municipal de Coles acolle a VIII edición do certame de teatro afeccionado coa obra O atranco, a cargo do grupo La Caja de Pandora de Verín, ás 19:00 horas.

A música tamén ten o seu espazo co Festival de Corais en Xinzo de Limia, no Auditorio do Centro Cultural ás 18:00 horas, coas actuacións dos conxuntos de Arbo, Campo Lameiro e Cantares de Xinzo. Finalmente, o Auditorio Municipal de Ourense será o escenario do concerto de clausura de Ourencanto ás 19:00 horas, onde centos de mozos da provincia amosarán o seu talento coral.