O festival de música rock e indie celebrou a súa undécima edición, reunindo a milleiros de afeccionados chegados de diversos puntos. O recinto, situado no campo de fútbol do Parque Tecnolóxico de San Cibrao das Viñas, acolleu a familias e amigos nunha xornada marcada pola calor, a música e a diversión.

O público, totalmente entregado, gozou das actuacións dos artistas que ofreceron o mellor de si sobre o escenario. A xornada contou coas primeiras actuacións de Carlos Ares e Duendeneta, seguidos polos esperados Love of Lesbian, Iván Ferreiro, Alcalá Norte e Fontán, que converteron esta edición nunha das máis memorables.