O Tribunal Supremo inadmitiu o recurso do Concello de Ourense contra a sentenza que anulou o cesamento do interventor municipal, Gonzalo Alonso. Os maxistrados sinalaron, nunha providencia do pasado 24 de xuño, que non se fundamentou de xeito suficiente a existencia de supostos que poidan xerar interese casacional para crear xurisprudencia.
A resolución tamén indica que non se demostrou que a sentenza do Tribunal Superior de Xustiza de Galicia se apartase inmotivadamente da doutrina xurisprudencial do Supremo. Ademais, o argumento do Concello sobre que a sentenza podería ser gravemente prexudicial para os intereses xerais non foi compartido polos maxistrados, ao non achegar razóns suficientes que o probasen.
“"Non se fundamentou suficientemente que concorra algún dos supostos que permitan apreciar o interese casacional co fin de crear xurisprudencia."
Debido a estas razóns, o Supremo inadmitiu o recurso e impuxo as costas ao Concello. A administración local xa anunciou a súa intención de acudir ao Tribunal Constitucional.
