A mostra, que xa pasou por museos e salas de todo o mundo, presenta unha selección de 60 fotografías únicas que capturan a natureza dende un punto de vista cómico. Estas imaxes foron seleccionadas do Premio Comedy Wildlife Photo entre os anos 2015 e 2022.
A exposición chega á súa versión de rúa despois de ter obtido un gran éxito en diversas salas expositivas e tras o paso pola súa versión en centros de Afundación en Galicia. A exhibición poderá visitarse na Praza Emilia Pardo Bazán.
Esta iniciativa busca ofrecer unha perspectiva lúdica e orixinal do mundo natural, achegando a arte fotográfica ao público de xeito accesible e entretido.
