O suceso produciuse na localidade ourensá de Barbadás e, a pesar da aparatosidade do accidente, o condutor do vehículo non precisou asistencia médica nin traslado a ningún centro sanitario.

A alerta do sinistro chegou ao 112 Galicia a través dun sistema automático dun teléfono móbil que detectou o impacto e activou o operativo de emerxencias. Ata o lugar desprazáronse efectivos do Servizo de Emerxencias de Barbadás, membros de Protección Civil do municipio e axentes da Policía Local, ademais de efectivos do GES de Pereiro de Aguiar e unha ambulancia do 061.

Os equipos de emerxencia procederon a cortar o tráfico de forma puntual mentres estabilizaban o vehículo e o retiraban da calzada. A intervención prolongouse ata a chegada dunha asistencia para a retirada definitiva do furgón, que presentaba matrícula estranxeira.

Tras as tarefas de limpeza e retirada do vehículo, a vía quedou completamente aberta á circulación.