A condecoración, que recoñece o seu compromiso e contribución á institución, foi entregada durante o XXVI Encontro de Voluntariado de Cruz Vermella en Galicia, celebrado este sábado no Parador de Baiona e que reuniu a máis de 250 voluntarios das catro provincias galegas.
A organización subliña que a implicación diaria de persoas como Ferreiro é fundamental para o desenvolvemento de múltiples proxectos asistencias na comunidade. A Medalla de Prata destaca o seu esforzo sostido e o apoio a áreas operativas clave, como a resposta en emerxencias, a capacitación dixital para maiores, a orientación laboral e a participación social en zonas rurais.
A implicación e dedicación diaria de persoas como el fan posible a execución e o mantemento de múltiples proxectos asistenciais en Galicia.
O acto contou coa presenza de Mercedes Casanova, presidenta autonómica de Cruz Vermella en Galicia, e Gonzalo Iglesias, presidente provincial en Pontevedra, xunto a representantes da Xunta de Galicia e do Concello de Baiona.
Ferreiro foi un dos catro galardoados con esta distinción, xunto a Purificación Serrano Caviedes, Manuel Batán Barros e Victorino Pollán Fernández. O encontro tamén serviu para reflexionar sobre o papel do voluntariado na sociedade actual, cunha charla titulada “Impulsando o compromiso voluntario”.
