A concelleira popular Noelia Pérez sinalou que "hai persoas maiores e familias que non dispoñen de paradas próximas" e que o servizo provisional posto en marcha "deixaba sen cobertura a numerosos usuarios". Ademais, criticou a xestión do executivo local, que considera que non se corresponde coa realidade ao afirmar que o problema xa está resolto e rexeitar reunirse cos veciños afectados.
Os populares tamén puxeron o foco na situación do barrio de O Pino, que se atopa sen servizo directo de autobuses dende principios de ano debido ao peche dun carril no túnel da N-120 en dirección Vigo. Pérez cualificou esta situación de "inadmisible" e instou a revisar o mapa de liñas, con especial atención ás liñas 3 e 4, onde se están a xerar "importantes prexuízos aos usuarios" ao coincidir dous autobuses no mesmo percorrido.
Ademais, dende o PP alertaron sobre a antigüidade da frota de autobuses, reclamando unha renovación urxente para garantir a calidade do servizo e evitar futuras avarías, como a que provocou danos en catro coches recentemente.
