A organización ecoloxista Greenpeace presentou un mapa interactivo que detalla as zonas de España onde a auga presenta contaminación por nitratos. En Galicia, dous puntos foron identificados como especialmente críticos: Trasmiras, na provincia de Ourense, e A Pobra de San Xiao, en Lugo. Este mapa, lanzado o 7 de abril de 2026, Día Mundial da Saúde, permite aos cidadáns consultar a calidade da auga nos seus respectivos municipios.
A información recollida no mapa provén dos datos consolidados de 2024 do Sistema de Información Nacional de Augas de Consumo (SINAC) do Ministerio de Sanidade. Os resultados son preocupantes: en 332 municipios españois, a auga da billa non foi apta para o consumo nalgún momento de 2024 debido a que a concentración de nitratos excedeu o límite legal de 50 mg/l. Ademais, en 2.860 municipios, os niveis igualaron ou superaron os 6 mg/l, valor recomendado pola ciencia para protexer a saúde e previr enfermidades como o cancro colorrectal.
Esta contaminación está provocada esencialmente polo uso masivo de fertilizantes sintéticos na agricultura intensiva e as inxentes deyecciones dos animais explotados pola cruel gandaría intensiva e as súas macrogranjas.
Greenpeace explica que a principal causa desta contaminación é o uso intensivo de fertilizantes sintéticos na agricultura e os residuos da gandaría intensiva, especialmente das macrogranxas. A nivel europeo, estímase que o 81% do nitróxeno agrícola que chega aos sistemas acuáticos provén directa ou indirectamente da gandaría. A organización subliña que a contaminación por nitratos é “invisible”, sen cheiro nin cor, o que dificulta a súa detección sen análises específicas.
“"Non podemos seguir permitindo que as macrogranjas envenenen a auga de todas as persoas para que os reis da carne estean a forrarse."
Luís Ferreirim, responsable de gandaría en Greenpeace, criticou a dificultade para acceder aos datos oficiais e destacou que o novo mapa facilitará a acción cidadá. Ferreirim denunciou o modelo actual de exportación de carne, afirmando que “exportamos a inmensa maioría da carne de porco e quedámonos cunha auga, literalmente, de merda”.
