O suceso tivo lugar arredor da 1:10 horas deste domingo ao luns. Segundo as primeiras informacións, un turismo que circulaba pola vía impactou contra un coche que se atopaba aparcado á altura do número 97.
Como consecuencia do choque frontolateral, o condutor perdeu o control do automóbil, o que provocou que o vehículo envorcase. Ademais, outro coche que estaba estacionado uns metros máis adiante tamén sufriu danos materiais polo impacto.
Ata o lugar desprazáronse os servizos sanitarios para atender aos dous ocupantes do vehículo envorcado. Segundo as indicacións dos equipos de emerxencia, o condutor do coche que causou o accidente quedara durmido ao volante. A Policía Local de Ourense tamén acudiu ao punto para realizar as xestións pertinentes.
