Un sinistro viario que involucrou a catro vehículos tivo lugar este mércores na autovía A-52, ao seu paso pola provincia de Ourense. O suceso, rexistrado sobre as 18:37 horas, mobilizou aos servizos de emerxencia e causou retencións na circulación en dirección á capital ourensá.

O Grupo de Emerxencias Supramunicipal (GES) de Ribadavia desprazouse ata o quilómetro 238 da Autovía das Rías Baixas, na zona de Toén. Tamén acudiron ao lugar Urxencias Sanitarias 061 e a Garda Civil de Tráfico, que se encargou de xestionar a situación e recoller datos sobre o ocorrido.

O accidente provocou un pequeno atasco na vía, segundo informaron diferentes particulares que alertaron aos servizos de emerxencia. A magnitude do incidente requiriu a intervención de varias dotacións para garantir a seguridade e restablecer a normalidade na circulación.