Os feitos ocorreron cando os axentes recibiron a alerta dun particular que manifestou ver o coche dun familiar seu en circulación, conducido por un home descoñecido. Tras contactar co lexítimo propietario, este confirmou que o vehículo non se atopaba onde o deixara estacionado a tarde anterior e que fora subtraído.

Inmediatamente, as forzas de seguridade localizaron o automóbil estacionado na vía pública e iniciaron un dispositivo de busca do presunto ladrón nas inmediacións do barrio do Couto.

Pouco despois, o individuo foi localizado agochado, intentando desfacerse das chaves do coche. O propietario confirmou que ditas chaves estaban gardadas na guantera do vehículo, o que levou á detención do home.